Sot ishte dita e tretë e fazës përfundimtare të procesit më të madh gjyqësor në Hagëm rasti i ish krerëve të UÇK. E gjatë kësaj dite ekipi i avokatëve mbrojtës të ish-presidentit Hashim Thaçi, me në krye Luka Mishetiç ka shpalosur deklaratën përmbyllëse.
Ai është shprehur se ish-presidenti i Kosovës është i pafajshëm teksa shton se “akuza ka shpërfillur provat dhe dëshmitë”
Mishetiç tha se “ish shefi i Shtabit të UÇK, Bislim Zyrapi, dëshmoi se nuk kishte një orientim për krime në UÇK. Zyrapi ka dhënë dëshmi në disa gjykata dhe u ka qëndruar deklaratave të tij. Ai ka qenë shefi i operacioneve në UÇK”. Avokati shtoi se “dënimi i Thaçit do të përbënte një padrejtësi historike” dhe “po kërkohet të rishkruhet historia e Kosovës”. Ai theksoi se asnjë dëshmitar s’ka thënë diçka për krime lufte.
Kujtojmë se ditën e djeshme që ishte edhe dita e dytë, Prokuroria e Specializuar përmbylli fjalën e saj nën pretendimin se Thaçi kishte gënjyer disa herë ndërkombëtarët .
Pas përmbylljes së deklaratave, çështja do të kalojë te trupi gjykues. Gjykatësit kanë tre muaj kohë që të marrin një vendim për çështjen, ose të kërkojnë zgjatjen e afatit për marrjen e vendimit.
Marrë nga Newsbomb.a
