Prokurori i Posaçëm ndalon çështjet penale ndaj Trump-it

Prokurori i posaçëm Jack Smith i kërkoi gjykatës të ndalojë çështjen e ndërhyrjes së Trump në zgjedhjet e vitit 2020.

Me kthimin e Donald Trump në Shtëpinë e Bardhë, NBC News raporton se këshilltari i posaçëm Jack Smith i ka kërkuar një gjyqtari federal të ndalojë procedurat në gjyqin e tij mbi akuzat që lidhen me përpjekjen për të përmbysur zgjedhjet e vitit 2020.

NBC News raporton se në dosjen e tij, Smith tha se “si rezultat i zgjedhjeve” ai “kërkon që Gjykata të lirojë afatet e mbetura në planin e gjykimit paraprak për t’i dhënë kohë qeverisë për të vlerësuar këtë rrethanë të paprecedentë”.

Në fillim të kësaj jave, Guardian raportoi se Smith do t’i japë fund si çështjes së ndërhyrjes në zgjedhje kundër Trump, ashtu edhe një ndjekjeje të veçantë për marrjen dhe fshehjen e dyshuar të dokumenteve të klasifikuara.

Asnjë nga rastet nuk kishte shkuar në gjyq përpara fitores së zgjedhjeve nga Trump.

Gjatë fushatës, Donald Trump kishte deklaruar se në momentin që do të zgjidhej President, brenda dy sekondave do të shkarkonte Prokurorin Special Jack Smith.