Me rikthimin e Donald Trumpit në Shtëpinë e Bardhë Evropa po friksohet veç të tjerave edhe se mos në Ballkan rikthehet ideja e shkëmbimit të territoreve. Por tani për tani Brukseli duket se do ti përgjigjet me një “JO të fortë, hipotezës së ringjalljes së një propozimi të tillë. Këtë e ka thënë me gojën e saj kandidatja për komisionere për zgjerimin e BE-së, Marta Kos. Ish-diplomatja nga Sllovenia, të cilës presidentja e Komisionit Evropian, Ursula von der Leyen, i ka besuar procesin e zgjerimit, e ka konsideruar atë si një “propozim të papranueshëm”.
Kur pyet nga eurodeputetët, gjatë procesit të dëgjimit në komisionet e parlamentit, para se emrat e propozuar të miratohen përfundimisht, nëse do e pranojë kthimin në agjendë të idesë së shkëmbimit të territoreve, në rast se një propozim vjen nga administrata e ardhshme e ëashingtonit nën drejtimin e Donald Trump. Marta Kos, e hodhi poshtë këtë ide. Refuzimi i saj qe kategorik duke e cilësuar “propozim të papranueshëm”. “Ç’do të ndodhë pas janarit kur të nis mandatin presidenti i ri amerikan, mbetet të shohim. Sa i përket ideve për shkëmbim territoresh, jo. Komisioni Evropian dhe unë, nëse konfirmohem, nuk do t’i ndjekim këto tendenca”, ishte e prerë sllovenia Marta Kos, duke shtuar se “evropianët duhet të shikojnë se çfarë mund të bëjnë vetë e jo të presin propozime nga të tjerët”.
