Emanuel Macron, president francez prej ditës së djeshme ndodhet në Shqipëri. Mëngjesin e sotëm në një konferencë për mediat kryeminsitri Edi Rama me presidentin francez, Emmanuel Macron, deklaruan nënshkrimin e një memorandumi bashkëpunimi, me fokus infrastrukturën, turizmin dhe integrimin europian.
Kreu i qeverisë tha se Franca do të përfshihet në ndërtimin e hekurudhës Durrës-Prishtinë. Më tej, Rama tha sot Shqipëria e ndjen Francën shumë afër dhe në procesin e anëtarësimit, ndërsa theksoi se rajoni ka ka fituar një mbështetës shumë të qëndrueshëm dhe besnikë, në të gjitha proceset transformuese.
Presidenti francez Emanuel Macron u shpreh se ai dhe Franca do të jenë në krah të Shqipërisë për procesin e integrimit në BE.
Ai shtoi me tej se “Rruga e Shqipërisë është shumë e qartë drejtë BE. Reformat ambicioze që po bëni, pas këtyre reformave qe duken shumë teknike për bashkatdhetarët tuaj”- tha Macron.
I pyetur nga media në lidhje me shtimin e buxhetit për armatime, Rama tha se Europa ka një trend për t’u armatosur dhe së fundmi, ka patur oferta nga kompani të prodhimeve ushtarake.
” Ne duhet të jemi komplementarë në kontekstin e përgjithshëm, duhet një plan i mirë menduar me procedura të qarta për të gjithë dhe garanci eficence në ato paratë që vendosen.
Ne duhet të jemi realist dhe të kuptojmë si do të rrisim kapacitetet jo buxhetin vetëm”- tha Rama, teksa la të nënkuptohej se ka kërkesë për shtim buxheti dhe armatimesh për Shqipërinë.
Por në një kohë kur Europa dhe bota mbarë po shton buxhetet për armatime po shtohen, ku qëndron Shqipëria dhe sa mund t’i refuzojë blerjen dhe shtimin e depozitave ushtarake në vend?
Marrë nga VNA.al
