Edi Rama shkoi në Himarë për të mbyllur fushatën elektorale krah kandidatit Vangjel Tavo.
Kryeministri është i bindur për fitoren madje dhe për rezultatin.
Rama: Ne kemi sistemin që e dimë paraprakisht rezultatit për shkak të kontakteve dhe për shkak të sondazheve. Makineria jonë është makineri elektrorale moderne.
Tavo: Propozimi që kam bërë për nënkryetar bashkie për rivalin e kisha me sinqeritetin më të madh.
Por, ndërsa himariotët po bëhen gati t’i drejtohen kutive të votimit, opozita kanë shtuar sulmet ndaj kryeministrit, duke e akuzuar për grabitje pronash në Vuno si trashëgimtar i familjes Koleka. Rama shfrytëzoi takimin për të thënë të vërtetën e tij ndërsa ka paralajmëruar një padi për shpifje ndaj demokratëve.
Rama: Unë ua kam thënë me kohë denbabaden, s’marr pjesë në to, s’më interesojnë. Edhe gjithë këta trashëgimtarët e tjerë, kanë luftuar për të marrë pronat e si përfundim nga fillimi i vitit 2000 kanë marrë ato AMTP-të dhe pastaj kanë filluar gjyqe dhe kur kam ardhur unë në qeveri, kam pasur refuzime të vazhdueshme nga Agjensia e Trajtimit të Pronave dhe sot që flasim, nuk kanë akoma asnjë copë certifikatë pronësie nga kadastra.
Himariotëve u kërkoi të mos besojnë akuzat e pavërteta të kundërshtarit, ndërsa u premtoi se deri në fund të tetorit do i kenë banesat e regjistruara.
Rama: Deri fund tetorit të gjitha shtëpitë do jenë të regjistruar. Në kadastër ka filluar digjitalizimi për Himarën. Besoj pas Tetorit do nisim procesin tjetër dhe gjithçka do shkojë në vendin e duhur.
