Kryeministri Rama pretendon se presidentja Vjosa Osmani është kërcënuar, pasi sipas tij, ajo nuk ka lejuar që të dhunohet institucioni i Presidencës, ku hetuesit e Speciales do të kërkonin ato që ata pretendojnë se janë krime kundër njerëzimit, lidhur me procesin që vijon ndaj ish-krerëve të UÇK-së.
“Nuk është sekret shtetëror për mua që edhe Presidentja e Kosovës është kërcënuar sepse nuk ka lejuar që prokurororët të dhunonin zyrën e institucionit të Presidentit të Kosovës, se me demek edhe aty do kërkonin provat e ‘krimeve kundër njerëzimit’, që do ta vendoste Kosovën në sytë e botës, si një shtet ku deri në zyrën e Presidentes gjenden prova për ‘krime kundër njerëzimit’. Kërcënimi i Presidentes ka zgjatur dy vjet, por për nderin e saj dhe për nderin e Kosovës ajo e ka ndaluar një gjë të tillë”, tha Rama.
Komentet e tij u bënë në fjalën e mbajtur në promovimin e librit “Kur heshtja flet” nga Ahmet Shala, akademik e ish-ambasador i Kosovës.
Lidhur me Specialen plot dritëhije, kryeministri Rama theksoi që nuk bëhet fjalë vetëm idiotë, por për instrumenta të një gjykate që “është edhe më politike se sa gjykatat e Serbisë në raport me Kosovën”.
Marrë nga Tesheshi.com
