Kreu i SPAK, Altin Dumani ka prezantuar raportin e vitit 2024 në Komisionin e Ligjeve.
Ai theksoi se SPAK ka sekuestruar 65.5 milionë euro pasuri të krimit gjatë vitit 2024 dhe sipas tij kjo shifër është 60% më shumë se në vitin 2023.
Gjatë raportimit Dumani shtoi se SPAK ka konfiskuar 66.5 milionë, 33 zyrtarë janë proceduar dhe 10 prej tyre janë dënuar me vendim të formës së prerë.
Më tej ai shtoi se 105 persona rezultojnë të dënuar për krim të organizuar dhe numri i të burgosurve nga hetimet e SPAK përbën vetëm 9.5% të totalit.
Ndër të tjera Kreu i SPAK nënvizoi se janë goditur 16 grupe kriminale, ku 10 kanë përfunduar në Gjykatë. Sipas tij grupet kanë komunikime të koduara dhe pastrojnë paratë përmes kriptovalutave.
Gjithashtu ai theksoi se grupet kriminale mbeten aktive në trafikim kokaine dhe kanabis në shtete si Itali, Spanjë, Holandë, Gjermani Zvicër.
Në fund Dumani ka listuar disa problematikat që janë hasur gjatë vitit 2024.
Përveç presionit nga faktorë të jashtë, si faktorë politikë, mediatike e nga grupet kriminale, Dumani kërkoi ndryshime ligjore për ruajtjen e kriptovalutave.
Dumani theksoi se ekstradimi i shtetasve nga Emirateve e Bashkuara Arabe në Shqipëri, ka qenë problematike, gati e pamundur, të cilët ishin në kërkim për çështje kriminale në llogari të SPAK.
Ndër të tjera ai tha se gjatë vitit 2024 SPAK ka konfiskuar 11 milion euro pasuri në kripto.
Marrë nga Dosja.al
