Më 2 korrik, punimet parlamentare shkaktuan më shumë lajme nga jashtë sallës, sesa brenda saj.
Protestues që gjuanin me vezë makinat e deputetëve, policë të gjakosur dhe protestues të arrestuar.
Në të njëjtën ditë, demokratët vendosën të bojkotojnë seancën plenare, duke tërhequr edhe ata pak deputetë që kishin hyrë fillimisht në sallë.
Në mungesë të opozitës, seanca zgjati rreth dy orë dhe mazhoranca miratoi e vetme nismat në rend dite.
Deri këtu, asgjë e panjohur. Por lajmi i vërtetë është ajo që ndodhi teksa PD iki në seli, dhe kamerat ishin në oborr për të parë se si protestuesit e policët gjakosnin njëri-tjetrin.
Në hështje, Belinda Balluku hyri në sallën plenare dhe mori pjesë në votim duke rinovuar mandatin e saj edhe 6 muaj të tjerë, të paktën deri në 2 shkurt 2027, kohë gjatë së cilës ajo nuk arrestohet dot sepse ka imunitet, dhe gjithashtu nuk ka pse të vijë në Kuvend, të përballet me opozitën.
Ajo kishte ardhur për herë të fundit në Kuvend më 19 janar, dhe nëse nuk do të shfaqej për votim deri më 19 korrik, do të humbiste mandatin.
Balluku shfrytëzoi shpërqëndrimin mediatik dhe gjithashtu idenë brilante të opozitës për bojkot, për të fituar kohë dhe imunitet.
Deri atëherë, ajo kishte munguar në Kuvend për të shmangur përplasjet me demokratët dhe opozitarët e tjerë.
Keshtu SPAK, nuk i afrohet dot, edhe pse ka kërkuar ta arrestoje per nje sere abuzimesh me tenderat.
Marrë nga VNA.al
