Portali Himara.gr ka zbuluar se Vangjel Tavo, me anë të një tenderi të drejtëpërdrejtë dhe jo transparent, ka financuar artistin e njohur Christos Mastoras, me rreth 100 mijë euro, vetëm pak ditë para zgjedhjeve parlamentare në Shqipëri dhe promovohet nga rrjetet sociale nga vetë kryeministri Rama.
Kjo kompani, e cila specializohet në… mbledhjen dhe përpunimin e metaleve të skrapit, ndodhet mjaft larg Himarës dhe nuk ka lidhje me kulturën lokale apo turizmin vendas. Megjithatë, ai e mori punën nëpërmjet dhënies së drejtpërdrejtë të kontratës dhe me çmimin “e përcaktuar” – pa asnjë konkurrencë dhe asnjë zbritje oferte. Ky është shpërdorim i parave publike dhe abuzim me pushtetin.
Dhe të gjitha këto në një kohë kur Himara po rënkon nga mungesat dhe problemet. Rrugët janë të dëmtuara, furnizimi me energji elektrike është problematik dhe sistemi i kanalizimeve është inekzistent – me ujërat e zeza që derdhen direkt në det. Banorët shohin festivale që organizohen, ndërkohë që nuk mund t’i mbulojnë nevojat e tyre themelore, shohin festa për fillimin e sezonit turistik ndërkohë që nuk ka infrastrukturë për turistët. Edhe për sa kohë do të jenë të nënvlerësuar?’, shkruhet në artikull.
Artikulli i plotë:
Një festë e organizuar në kuadrin e hapjes së sezonit veror u mbajt më 3 maj në Himarë, me protagonist artistin e njohur Christos Mastoras. Megjithatë, pas dritave të skenës dhe melodive muzikore, fshihet një strategji politike që fyen qytetarët dhe nënvlerëson nevojat e një zone të tërë.
Ky aktivitet, i cili paraqitet si një ngjarje kulturore për fillimin e sezonit turistik dhe do t’u kushtojë banorëve të Himarës 100,000 euro, nuk është gjë tjetër veçse një promovim i qartë dhe pa shije nga Partia Socialiste e Shqipërisë në pushtet. Nuk është rastësi që kjo ngjarje zhvillohet vetëm pak ditë para zgjedhjeve parlamentare në Shqipëri dhe promovohet nga rrjetet sociale të vetë kryeministrit shqiptar Edi Rama. Prandaj, është e qartë se kjo nuk u zgjodh për qëllime turistike, por për qëllime politike – dhe madje edhe në rrethana që shkaktojnë zemërim.
Kryetari aktual i Bashkisë së Himarës, Vangjel Tavo, është një krijesë e regjimit të Ramës. Ai u emërua fillimisht nga qeveria si kryetar bashkie i përkohshëm, pas shkarkimit të paligjshëm të kryetarit të zgjedhur ligjërisht, Fredis Beleris. Tavo kandidoi më vonë për kryebashkiak dhe fitoi duke u mbështetur nga shteti dhe me metoda manipulative të njohura, që janë denocuar nga vetë banorët e Himarës.
Tani, në një kohë kur Tavo po punon ‘part-time’ si kryetar bashkie, profesioni i tij është mbledhja e votave për Partinë Socialiste të Ramës.
Ai gjeti pak kohë për t’u marrë me çështjet e Bashkisë së Himarës dhe konkretisht me organizimin e një eventi për fillimin e sezonit turistik. Siç raportojnë mediat shqiptare, pa asnjë konsultim, pa transparencë dhe pa konkurs – ai ia caktoi organizimin e eventit një kompanie që nuk kishte lidhje me fushën e eventeve kulturore. Të njëjtat burime raportojnë se zyra e prokurorit të posaçëm SPAK ka nisur hetimet paraprake mbi konkurrencën e dyshimtë.
Kjo kompani, e cila specializohet në… mbledhjen dhe përpunimin e metaleve të skrapit, ndodhet mjaft larg Himarës dhe nuk ka lidhje me kulturën lokale apo turizmin vendas. Megjithatë, ai e mori punën nëpërmjet dhënies së drejtpërdrejtë të kontratës dhe me çmimin “e përcaktuar” – pa asnjë konkurrencë dhe asnjë zbritje oferte. Ky është shpërdorim i parave publike dhe abuzim me pushtetin.
Dhe të gjitha këto në një kohë kur Himara po rënkon nga mungesat dhe problemet. Rrugët janë të dëmtuara, furnizimi me energji elektrike është problematik dhe sistemi i kanalizimeve është inekzistent – me ujërat e zeza që derdhen direkt në det. Banorët shohin festivale që organizohen, ndërkohë që nuk mund t’i mbulojnë nevojat e tyre themelore, shohin festa për fillimin e sezonit turistik ndërkohë që nuk ka infrastrukturë për turistët. Edhe për sa kohë do të jenë të nënvlerësuar?
Pjesëmarrja e Christos Mastoras, megjithëse ndoshta me qëllime të mira, vazhdon të përdoret si mjet për shfrytëzim politik.
Por kjo nuk e mohon faktin se emri i tij po përdoret për të “larë” një praktikë antidemokratike dhe për të promovuar një qeveri dhe një kryetar bashkie që diskrediton qeverisjen vendore dhe nevojat reale të qytetarëve.
Qytetarët e Himarës nuk kanë nevojë për festa dhe festivale parazgjedhore – ata kanë nevojë për rrugë, infrastrukturë, ujë të pastër dhe dinjitet. Përpjekja për t’i çorientuar ata përmes ngjarjeve muzikore është te turpshme. Kultura nuk mund të jetë vitrinë për paaftësinë dhe keqbërjet e organeve kompetente.
Kultura nuk duhet të përdoret si fasadë për të fshehur problemet, mangësitë apo paaftësinë e institucioneve që kanë përgjegjësi.
Marrë nga Himara.r
