Spanja tha se SHBA-të duhet të zbatojnë ligjin ndërkombëtar dhe marrëveshjet tregtare me BE-në, duke iu përgjigjur Donald Trump, i cili tha se do të ndërpresë të gjithë tregtinë me Spanjën pasi refuzoi të lejonte ushtrinë amerikane të përdorte bazat e saj për misione që lidhen me sulmet ndaj Iranit.
“Spanja respekton angazhimet e saj është një partner tregtar i besueshëm për 195 vende në botë, përfshirë SHBA-në, me të cilat ne mbajmë një marrëdhënie tregtare historike dhe reciprokisht të dobishme. Nëse qeveria amerikane dëshiron ta rishikojë atë, duhet ta bëjë këtë duke respektuar autonominë e kompanive private, ligjshmërinë ndërkombëtare dhe marrëveshjet dypalëshe midis Bashkimit Evropian dhe SHBA-së”, tha qeveria në një deklaratë të publikuar nga zyra e kryeministrit.
“Do të ndërpresim të gjitha bizneset me Spanjën. Nuk duam të kemi të bëjmë fare me të”, shtoi ai.
“Spanja nuk ka asgjë që na nevojitet, përveç njerëzve të mirë, janë njerëz të mirë, por nuk kanë lidership të mirë”, tha ai.
Trump u ankua gjithashtu se Spanja i ka rezistuar përpjekjeve për të rritur shpenzimet e mbrojtjes në 5% të produktit të brendshëm bruto, siç u ka kërkuar aleatëve të NATO-s.
Pedro Sanchez pritet të flasë në orën 11:00 të paradites sot nga zyra e kryeministrit rreth situatës në Lindjen e Mesme.
Marrë nga El Pais
