Pasi i dërguari i Trump në Kiev, Kith Kellogg anuloi konferencën për shtyp, pas takimit me Zelenskyn, Presidenti i Ukrainës, deklaroi se është i gatshëm për marrëveshje “të fuqishme” me Rusinë.
“Ukraina ka kërkuar paqe që në sekondën e parë të kësaj lufte dhe ne mund dhe duhet ta bëjmë paqen të besueshme dhe të qëndrueshme, në mënyrë që Rusia të mos kthehet më kurrë në luftë. Ukraina është gati për një marrëveshje të fuqishme, vërtet të dobishme, me presidentin e SHBA-së për investime dhe siguri”, ka thënë Zelensky.
“Suksesi bashkon. Të gjithë në botë kanë nevojë për sukses në raportet e tyre me Shtetet e Bashkuara të Amerikës”, ka shtuar ai.
Zelensky e falënderoi të dërguarin e presidentit Donald Trump për punën e përbashkët drejt arritjes së rezultateve.
Nga ana tjetër Presidenti amerikan, Donald Trump, ka thënë se Rusia “i ka kartat” në çdo bisedim paqeje për t’i dhënë fund luftës në Ukrainë, sepse ajo tashmë “ka marrë shumë territor”.
Marrë nga Top Channel