Një ditë përpara zgjedhjeve për kryetar në Bashkinë e Himarës është paraqitur plani për punonjësit e policisë.
Do të jenë 52 punonjës policie, të angazhuar në këtë proces, që do të sigurojnë materialet zgjedhore në 36 qendrat e votimit.
“I gjithë personeli policor i angazhuar me detyra gjatë procesit zgjedhor është i trajnuar për detyrat që ka dhe që kryen Policia e Shtetit gjatë procesit zgjedhor. Në këtë kuadër, apelojmë për të gjithë qytetarët dhe subjektet e përfshira në këtë proces që të respektojnë plotësisht të gjitha detyrimet ligjore me të cilat i ngarkon Kodi Zgjedhor dhe ligjet e tjera”, thuhet në njoftimin e policisë.
Gjithashtu është miratuar nga KQZ-ja lista e punonjësve të Policisë që do të angazhohen në procesin zgjedhor.
