20 viktima, 145 aksidente. Ky është bilanci i frikshëm nga ngjarjet rrugore në muajin që lamë pas. Pothuajse çdo ditë në muajin Maj një person ka humbur jetën nga aksidentet rrugore.
Shkaku kryesor i aksidenteve mbeten shkeljet e kodit rrugor nga drejtuesit e mjeteve, kryesisht shpejtësia tej normave të lejuara.
Në muajin Maj “Rrugorja” në 180 raste iu ka hequr patentat shoferëve për shpejtësi tej normave. 140 prej tyre kanë përfunduar në prangat e policisë për këtë shkelje. Gjithashtu edhe konsumimi i alkoolit nga drejtuesit e mjeteve mbetet një faktor shqetësues.
Përtej këtyre shifrave, krahasuar me një vit më parë, në katër muajt e parë të vitit ka një ulje të numrit të aksidenteve. Sipas statistikave rezulton se janë shënuar 87 aksidente më pak se në vitin 2024.
Marrë nga Newsbomb,.al
