Aksi rrugor Librazhd–Pogradec është bllokuar tërësisht, për shkak të rrëshqitjeve të dheut dhe shembjeve të masivëve shkëmborë.
Pas kësaj situate, Drejtoria Vendore e Policisë Elbasan ka njoftuar bllokimin e qarkullimit në aksin rrugor Librazhd–Pogradec.
Rruga alternative për mjetet e vogla do të jetë aksi Maliq–Lozhan–Moglicë–Gramsh, në drejtim të Tiranës dhe anasjelltas.
Segmenti po përballet me lëvizje të konsiderueshme të masivëve të tokës. • Kjo ka rritur rrezikun për qarkullimin e automjeteve dhe sigurinë e plotë të tyre.
Kjo situatë ka sjellë problematika në qarkullimin e automjeteve, pasi në rrugë është krijuar një rradhë e gjatë kilometrike autobusësh dhe kamionësh.
Edhe segmenti rrugor, i cili u vendos nga ARRSH si segment altenativ, është përballur me probleme.
Bëhet me dije se në zonën e Moglicës kanë mbetur të bllokuar tre trajlera dhe është e pamundur të bëhet hapja e qarkullimit për shkak të këtij bllokimi.
Prokuroria e Elbasanit ka nisur hetim ndaj kompanisë që po punon për zgjerimin e Korridorit të VIII në zonën e Dragostunjës.
Hetimi do të fokusohet në shkaqet që çuan në rrëshqitjen masive e cila shembi rrugën Përrenjas-Librazhd.
Prokuroria në bashkëpunim me institucionet e tjera kompetente do të verifikojë lejen për marrjen e inerteve në Shkumbin dhe zbatimin e saj.
Marrë nga Dosja.al
