Nga përpunimi i të dhënave zyrtare të Gjykatës së Tiranës, rezulton se rreth 80 përqind e studentëve protesues janë liruar menjëherë nga gjykata, pas arrestimeve të dhunshme nga efektivët e Policisë së Shtetit, në periudhën nga 16 deri në 21 tetor 2026.
Zyrtarët të Policisë së Shtetit kanë njoftuar se, përgjatë ditës së revoltës studentore kundër korrupsionit qeveritar, janë arrestuar një numër i konsidereshëm personash, të dyshuar kryesisht për veprat penale të “kundërshtimit të forcave të policisë” apo të “shkatërrimit të pronës”.
“Boldnews.al” konsultoi të dhënat zyrtare nga Gjykata e Tiranës mbi masat e sigurimit të aplikuara nga trupat gjykuese për të rinjtë dhe të miturit e prangosur gjatë këtyrë ditëve të protesës.
Ndërkohë që protesta dhe veprimet policore vijojnë, deri në datën 20 Tetor rezulton se kanë dalë para trupave gjykuese në total 192 persona.
Për 6 persona nuk është caktuar asnjë masë sigurimi.
Për 8 persona është konstatuar “arrestim i paligjshëm” dhe nuk është caktuar masë sigurimi.
Për 11 persona të mitur është vendosur masa “mbikqyrje prindërore”
Për 16 persona është caktuar masa e sigurimit “arrest në shtëpi”, nga të cilët 11 prej tyre janë me afat 21-ditor.
Ndërkohë, masa ekstreme e “arrestit me burg” është caktuar për 13 persona të përfshirë në protestë. Për 9 prej tyre, masa e arrestit me burg është me afat 30-ditor.
Duhet theksuar se në këtë total janë përjashtuar personat, për të cilët Prokuroria e Tiranës ka urdhëruar lirimin e menjëhershëm. Për momentin, nuk ka një informacion të qartë statistikor për numrin e inviditëve të liruar për shkak se arrestimi është i paligjshëm. “Boldnews.al” raportoi më herët se të paktën 20 persona janë liruar menjëherë nga prokurori, Arbër Berexha.
Vendimet, ditë pas dite
Në datën 16 Tetor kanë dalë para gjykatës së Tiranës 18 persona, të arrestuar gjatë protestës studentore. Nga ky total, Gjykata vendosi këto masa sigurimi: 1 person në “arrest me burg”, 6 persona në “arrest shtëpie” dhe 11 persona në masën “detyrim për paraqitje”
Në datën 17 Tetor kanë dalë para gjykatës 51 persona, të arrestuar si të përfshirë në protestat anti-qeveritare. Nga ky total, Gjykata vendosi këto masa sigurimi: tre persona në “arrest në burg”, 9 persona në “arrest me burg me afat 21-ditor”, 3 persona në “arrest në shtëpi” dhe 23 persona nën masën “detyrim për paraqitje”.
Në datën 18 Tetor kanë dalë para gjykatës 63 persona, si pjesë e protestës studentore. Nga ky total, gjykata e Tiranës ka caktuar masat e sigurimit: 1 person në “arrest shtëpie”, 1 person në “arrest shtëpie me afat 30-ditor”, 50 persona nën masën “detyrim për paraqitje” dhe 11 të mitur nën masën “mbikqyrje prindërore”.
Në datën 20 Tetor janë paraqitur para gjykatës së kryeqytetit 27 persona. Për të gjithë, gjykata caktoi masën e sigurimit “detyrim për paraqitje”.
Në datë 21 Tetor janë paraqitur në gjykatë 32 persona të arrestuar nga Policia. Për ta, gjykata ka vendosur: 18 persona me “detyrim për paraqitje”, 6 persona pa masë sigurimi dhe për 6 persona është konstatuar arrestimi i paligjshëm dhe nuk është caktuar asnjë masë.
Marrë nga Boldnews.al
