Autoritetet kolumbiane kanë arrestuar autoreët e vrasjes së shqiptarit Artur Tushi, i cili u ekzekutua pak muaj më parë në Kolumbi. Bëhet fjalë për një grup vrasësish më pagesë, të cilët ishin të fokusuar në ekzekutimin e të huajve. Mediat shkruajnë se ata mernin një pagesë e cila varionte nga 400 deri në 500 mijë dollarë, sipas strukturës dhe profilit të viktimës.
Këto pagesa bëheshin përmes transferimeve në llogari në parajsa fiskale ose kriptomonedha, për të bërë të vështirë gjetjen e transaksionit. Lidhjet e kësaj strukture me magjinë besohet të jenë shumë të afërta, pasi gjatë arrestimeve u gjet një altar me figura fetare dhe qirinj që përdoren për praktikat ezoterike para kryerjes së krimeve.
Këto rituale besohet të përdoren për dy qëllime, për mbrojtje dhe për mashtrim të klientëve që i përdornin shërbimet e tyre, duke marrë shuma të mëdha për premtime të pambajtura.
Artikulli i plotë
Katër vrasje të shtetasve të huaj të regjistruara në vitet e fundit në Medelin të Kolumbisë besohet të jenë përgjegjësi e asaj që quhet “La Oficina Premium”, një grup vrasësish me pagesë, i cili dyshohet se ishte i fokusuar në ekzekutimin e të huajve me “vlerë të lartë” në kryeqytetin e Antioquia-s dhe qytete të tjera të vendit. Një shqiptar, një meksikan, një amerikan dhe një kanadez ishin viktimat, sipas gjurmëve të para që kanë hetuesit e rastit.
“Një burim na dha informacion mbi këto katër vrasje të të huajve”, deklaroi një hetues i rastit që lidhet me këtë strukturë, pas kapjes së nëntë prej anëtarëve të saj të akuzuar brenda një banese në lagjen Kennedy, komuna 7 (Robledo), në veri-perëndim të Medelinit.
Një nga krimet për të cilat akuzohen është ai ndaj meksikanit Horacio Pérez Ledezma, 54 vjeç, një tregtar i produkteve teknologjike, i sulmuar në një restorant në zonën e Provenza-s, në El Poblado, ndërsa po drekonte. Për këtë rast po hetohet gjithashtu Elder José Arteaga Hernández, i njohur si El Costeño ose Chipi, i cili dyshohet se ishte i implikuar edhe në vrasjen e kandidatit presidencial Miguel Uribe Turbay.
Duke u bazuar në informacionin e mbledhur nga autoritetet dhe atë që synohet të gjendet në kompjuterët, pritet të përcaktohet plotësisht lidhja midis kësaj strukture dhe kriminelëve që po procedohen për vrasjen.
Rasti tjetër është ai i shqiptaro-ekuadorianit Artur Tushi, 44 vjeç, të cilin e qëlluan 11 herë jashtë qendrës tregtare Santafé, në komuna 14 (El Poblado), pasi persona të armatosur e ndaluan ndërsa po shkonte drejt shtëpisë ku qëndronte. Ky krim besohet se lidhet me bizneset e trafikut të qenieve njerëzore dhe narkotikëve, që përfshijnë banda kriminale shqiptare, ekuadoriane dhe kolumbiane.
Autoritetet nuk dhanë detaje për dy vrasjet e tjera, as për atë të shtetasit amerikan, as për kanadezin, edhe pse nga kjo e fundit kombësi janë kryer vetëm dy vrasje të ngjashme gjatë tre viteve të fundit. Një nga rastet ndodhi më 31 janar të vitit të kaluar në Mall del Indio, kur u vra kanadezi me prindër kolumbianë Jonathan Christopher Acevedo García, 42 vjeç, në një krim që besohet të jetë urdhëruar nga ish-atleti olimpik Ryan James ëedding, pasi u zbulua se i ndjeri do të ishte dëshmitar kyç kundër tij, çka çoi në arrestimin e tij dhe shkatërrimin e organizatës së tij.
Kanadezi tjetër i vrarë në qytet ishte Jesse Marcel Arrigo, në një incident brenda një restoranti tjetër, këtë herë në rrugën Las Palmas, pranë lagjes San Diego. I ndjeri ishte identifikuar si Komisioner Ndërkombëtar i Paqes, por besohet të ishte i implikuar në disa raste mashtrimesh në vendin e tij.
Kryebashkiaku i Medelinit, Federico Gutiérrez, deklaroi se kjo strukturë, të cilës i dha emrin “La Oficina Premium” për krimet selektive që kryente, besohet të ketë lidhje me vrasje të kryera në Meksikë, Republikën Dominikane dhe Kili, që besohet të jenë urdhëruar nga organizata transnacionale.
“Nga 29 celularë të gjetur, shumica kishin linja nga vende të tjera dhe po hetojmë se cilët kontakte bëheshin përmes këtyre pajisjeve. Gjithashtu gjetëm dokumente që lidhin këtë organizatë me Shtetet e Bashkuara, me të cilët po japim të gjitha informacionet e kërkuara”, tha kryebashkiaku.
Çmimi për krimet
Pagesa për të ekzekutuar të huajt ishte midis 400.000 dhe 500.000 dollarë (1.465 deri 1.830 milionë pesos kolumbiane), sipas strukturës dhe profilit të viktimës. Po hetohet nëse këto pagesa bëheshin përmes transferimeve në llogari në parajsa fiskale ose kriptomonedha, për të bërë të vështirë gjetjen e transaksionit.
Gjatë operacionit ndaj kësaj strukture u sekuestruan tetë armë zjarri, përfshirë një mitraloz dhe disa revolverë. “Armët do t’i nënshtrohen Sistemit të Bashkuar të Krahasimit Balistik për të përcaktuar pjesëmarrjen e tyre të mundshme në krime”, shtoi Gutiérrez.
Sakrificat e kafshëve
Lidhjet e kësaj strukture me magjinë besohet të jenë shumë të afërta, pasi gjatë arrestimeve u gjet një altar me figura fetare dhe qirinj që përdoren për praktikat ezoterike para kryerjes së krimeve. U gjet gjithashtu se këto persona kishin sakrifikuar të paktën katër dhi si pjesë e këtyre ritualeve, për të pastruar, sipas tyre, fajet për krimet që planifikonin të kryenin.
Këto rituale besohet të përdoren për dy qëllime: për mbrojtje dhe për mashtrim të klientëve që i përdornin shërbimet e tyre, duke marrë shuma të mëdha për premtime të pambajtura. Gjithashtu, ata filmonin çdo ritual dhe ia dërgonin klientëve për t’i bindur se ishin të mbrojtur nga fuqitë e jashtme që do t’i ndihmonin të realizonin krimet.
Marrë nga El Colombiano
