Presidenti turk, Rexhep Tajip Erdogan, ka akuzuar partinë kryesore opozitare të Turqisë për përgjegjësinë në sulmet ndaj policëve gjatë protestave të fundit, duke kërkuar që protestat të ndalohen menjëherë.
Në fjalimin e tij, Erdogan theksoi se opozita nuk duhet të luajë me nervat e popullit dhe e bëri thirrje që të respektohet rendi dhe stabiliteti i vendit. Sipas tij, këto protesta kanë sjellë dhunë dhe ka dënuar çdo akt agresiv ndaj forcave të sigurisë.
“Mos prishni qetësinë e qytetarëve tanë me provokime.Unë besoj se nëse opozitës i mbetet ndonjë respekt, ata do të turpërohen për të keqen që i kanë bërë vendit”, është shprehur ai.
Kujtojmë se protestat janë duke u mbajtur për arrestimin e kryebashkiakut Ekrem Imamologu, pasi është arrestuar gjatë një kontrolli në shtëpinë e tij, ku ndaj tij dhe personave të tjerë, akuzohen për veprat penale si, organizatë kriminale, zhvatje, ryshfet, mashtrim, manipulim tenderash dhe ndihma e organizatës terroriste PKK/KCK.
Pak para se ai të arrestohej, në platformën “X” duke shpërndarë një video, u shpreh se qindra policë ishin para shtëpisë së tij, duke shtuar se ai nuk do të dorëzohej dhe do të vazhdonte t’i rezistonte presionit.
Marrë nga Newsbomb.al
