Agjencia e Mbikëqyrjes Policore (AMP), ka ekzekutuar vendimin e Gjykatës së Shkallës së Parë të Juridiksionit të Përgjithshëm Berat, e cila ka caktuar masën e sigurimit “Pezullim i ushtrimit të një detyre a shërbimi publik”, ndaj katër punonjësve të Policisë së Shtetit.
Katër efektivët e Policisë akuzohen për kryerjen e veprës penale “Shpërdorim i detyrës”. Sipas AMP-së, caktimi i masave të sigurisë u bë i mundur pas veprimeve hetimore proaktive, të zhvilluara në bashkëpunim me Prokurorinë e Juridiksionit të Përgjithshëm Berat. Nga hetimet ka rezultuar se këta punonjës policie, gjatë ushtrimit të detyrave funksionale, përmes veprimeve dhe mosveprimeve në kundërshtim me ligjin, dyshohet se kanë penalizuar ose favorizuar drejtues mjetesh të konstatuar në shkelje ose jo të Kodit Rrugor.
Punonjësit e pezulluar janë:
Inspektor A.S., trupë shërbimi në Seksionin për Trafikun Urban dhe Interurban, DVP Berat
Inspektor M.D., trupë shërbimi në Seksionin për Trafikun Urban dhe Interurban, DVP Berat
Inspektor A.Q., trupë shërbimi në Seksionin për Trafikun Urban dhe Interurban, DVP Berat
Inspektor K.G., oficer i Patrullës së Përgjithshme në Komisariatin e Policisë Berat
Njoftimi i AMP:
Berat – AMP ekzekuton masat e sigurisë për 4 punonjës policie
Agjencia e Mbikëqyrjes Policore (Rajoni Fier – Berat) ka ekzekutuar Vendimin e Gjykatës së Shkallës së Parë të Juridiksionit të Përgjithshëm Berat, e cila ka caktuar masat e sigurimit personal me karakter ndalues “Pezullim i ushtrimit të një detyre a shërbimi publik” parashikuar në nenin 242 të Kodit të Pr. Penale ndaj katër punonjësve të policisë të dyshuar për kryerjen e veprës penale “Shpërdorim i detyrës” parashikuar në nenin 248 të Kodit Penal.
Inspektor A.S., me detyrë Trupë shërbimi në Seksionin për Trafikun Urban dhe Interurban, pranë DVP Berat
Inspektor M.D., me detyrë Trupë shërbimi në Seksionin për Trafikun Urban dhe Interurban, pranë DVP Berat
Inspektor A.Q., me detyrë Trupë shërbimi në Seksionin për Trafikun Urban dhe Interurban, pranë DVP Berat
Inspektor K.G., me detyrë Oficer i Patrullës së Përgjithshme në Komisariatin e Policisë Berat.
Caktimi i masave të sigurisë u bë i mundur pas veprimeve hetimore proaktive të kryera nga AMP në bashkëpunim me Prokurorinë e Juridiskionit të Përgjithshëm Berat, nga ku ka rezultuar se këta punonjës policie gjatë ushtrimit të detyrave funksionale, me veprime dhe mosveprime në shkelje të ligjit kanë penalizuar / favorizuar drejtues të mjeteve të konstatuar në shkelje ose jo të Kodit Rrugor.
AMP mbetet e përkushtuar në misionin e saj për garantimin e zbatimit të ligjit dhe fton qytetarët të denoncojnë çdo rast të abuzimit apo shkeljes së ligjit nga ana e punonjësve të strukturave, duke telefonuar në numrin e gjelbër 0800 9090, ose duke dërguar Email në adresën ankesa@amp.gov.al.
Marrë nga Newsbomb.al
