Gjykata e Shkallës së Parë e Juridiksionit të Përgjithshëm Vlorë ka shpallur të zhdukur Elvis Troqen, tetë vite pas rrëmbimit të tij. Ky vendim është marrë që me 15 qershor 2026 dhe është publikuar në Fletoren Zyrtare. Për administrimin e pasurive të luajtshme dhe të paluajtshme të Troqes, kujdestare është caktuar nëna e tij.
Elvis Troqe, i cili në atë kohë sapo ishte kthyer nga Italia, humbi kontaktet me familjarët më 17 korrik të viti 2018. 24-vjeçari kishte përfunduar një dënim për trafikim të lëndëve narkotike në Itali. Për herë të fundit ai është parë teksa priste një automjet tip “Mercedes-Benz”, ngjyrë gri. Më pas ai kishte hipur në automjet, ku raportohej se ndodheshin edhe dy persona. Ky ishte momenti i fudit që ai u pa.
Pas kësaj, autoriutetet ngritën dyshime se rasti mund të mos kishte të bënte me një largim të zakonshëm, ndërsa Prokuroria e Vlorës deklaroi se në materialet e referuara ishin konstatuar elemente të veprës penale të rrëmbimit të personit.
Marrë nga Dosja.al
