Diskutimet mbi sorrogracinë dhe abortin vazhdojnë ndër vite në Shqipëri dhe botë. Së fundmi një vendim i marrë në shtetin fqinj Greqi, ministri i Drejtësisë, Giorgos Floridis ka dalë me një njoftim.
“Meshkujve në Greqi do t’u ndalohet të kenë fëmijë nëpërmjet një nëne surrogate nëse janë beqarë ose në një marrëdhënie me të njëjtën gjini”, – tha sot ministri grek i Drejtësisë, Giorgos Floridis – duke shtuar se synohet të eliminohen paqartësitë ligjore mbi konceptin e pamundësisë për të kryer një shtatzëni,
Sipas AP, Floridis tha se ndryshimet e propozuara do të paraqiteshin në parlament së shpejti si pjesë e reformës më të gjerë të kodit civil.
“Tani po sqarojmë pa mëdyshje se koncepti i paaftësisë për të mbajtur një shtatzëni nuk i referohet një paaftësie që rrjedh nga gjinia e dikujt. Me fjalë të tjera, një grua mund të mos jetë në gjendje të mbajë një shtatzëni nëse është në një çift mashkull-femër, në një çift të të njëjtës gjini apo e vetme”- u tha Floridis gazetarëve.
Greqia legalizoi martesën e të njëjtës gjini vitin e kaluar, vendi i parë me shumicë të krishterë ortodokse që e bën këtë.
Ligji i barazisë martesore u kundërshtua nga kisha e fuqishme ortodokse e Greqisë dhe grupet konservatore. Parlamenti miratoi partneritetet civile për çiftet homoseksuale në 2015.
Shumë vende i kanë ndaluar të gjitha format e praktikës ose kanë vendosur kufizime.
Marrë nga Newsbomb.al
