Ivanka Trump dhe bashkëshorti i saj Jared Kushner kanë vizituar disa zona në Vlorë, mes tyre Zvërnecin dhe zonën e Portonovës.
Çifti mbërritën në Vlorë paraditen e kësaj të mërkure, ndërsa mësohet se kanë mbajtur takime private me arkitektë të njohur.
Vizita e tyre konsiston në vlerësimin e infrastrukturës ekzistuese dhe mundësive që kjo zonë ofron për projekte të ardhshme.
Më pas, në mbrëmje Ivanka Trump dhe Kryeministri Edi Rama kanë zhvilluar një takim në Vlorë.
Dyshja ka qëndruar pak momente jashtë ambientev,e ku u zhvillua takimi, duke shkëmbyer një bisedë të shkurtër dhe më pas janë nisur në drejtim të Orikumit ku kanë darkuar.
Ndërkohë, Jared Kushner nuk ka qenë pjesë e darkës, pasi ka qenë në Vlorë disa orë gjatë paradites dhe më pas është larguar për në Davos.
Marrë nga Dosja.al
