58 kamera të vendosura në shtylla çdo 20 metra në Tushemisht, Pogradec kanë marrë vëmendjen e banorëve dhe jo vetëm.
Pamjet janë bërë virale dhe të gjithë po pyesin se për çfarë duhen apo shërbejnë gjithë këto kamera, në një fshat turistik që nuk është i njohur për krime apo ngjarje të tjera të së njëjtës natyrë.
Projekti, pjesë e bashkëpunimit mes AADF, FSHZH dhe Bashkisë Pogradec raportohet të ketë kushtuar rreth 17 milionë lekë.
Kamerat PTZ janë pajisje të kushtueshme, dhe kërkojnë mirëmbajtje përfshirë energji dhe staf, të cilat kushtojnë 1000 dollarë secila, ndërsa flitet se 12 mijë euro ka kushtuar njëra shtyllë.
Drejtori i Fondit Shqiptar të Zhvillimit, Dritan Agolli u shpreh se e veçantia e këtij projekti ishin 58 ndriçues inteligjentë të pajisur me sensorë ajri, kamera sigurie dhe ekrane informuese me prekje për turistët.
Ndërsa vetë Fondacioni Shqiptaro-Amerikan për Zhvillim mohoi në korrik të këtij viti të ketë financuar projektin. Por pse duhej ky investim i kushtueshëm me dhjetra kamera në Tushemisht?
Marrë nga Zëri.al
