Sezoni turistik sapo ka nisur dhe Bashkia e Lezhës ka vendosur rregulla të reja për ndalimin e qarkullimit të mjeteve të rënda në disa akse rrugore në Shëngjin dhe Tale.
Ky vendim do të hyjë në fuqi nga data 1 qershor deri më 30 qershor, ku çdo të premte, nga ora 12:00, deri në orën 08:00 të së hënës, do të ndalohet qarkullimi i këtyre mjeteve.
Ndërsa nga data 1 korrik deri më 15 shtator, qarkullimi i mjeteve të rënda do të ndalohet plotësisht.
Ndërkohë, mjetet e shërbimit të Portit të Shëngjinit, si dhe mjetet e furnizimit me karburant dhe ujë në aksin rrugor Lapidar-Porti, do të lejohen të qarkullojnë vetëm jashtë fashës orare 10:00-22:00, nga e hëna në të enjte, për periudhën 1 korrik deri 1 shtator.
Marrë nga Newsbomb.al
