Një shqiptar me banim në Angli ka ndërmarrë kryerjen e një sfide të madhe që konsiston në përshkrimin me këmbë nga Anglia me destinacion final Tropojën.
Seb Ponari është një i ri shqiptar, i cili banon prej vitesh në Angli ndërsa ka nisur të përshkruajë me këmbë 2.750 kilometra nga Cambridge, Angli, drejt Tropojës në Shqipëri për një hark kohor 40 ditor. Seb Ponari e ka nisur këtë sfidë që prej datës 10 maj, ndërsa aktualisht ndodhet në Kroaci.
Për EuroNews Albania, Ponari ka treguar se shoqërohet nga 3 persona. Shoferi i rulotit, i cili është gjithashtu dhe fizioterapist shqiptar, trajneri i vrapit nga Qipro si dhe dy persona të tjerë nga Shqipëria.
“Këtë vrap ia dedikoj babait tim, i cili ka ndërruar jetë 10 vjet më parë, dhe po udhëtoj nga shtëpia ime në Angli, te varri i babait në Tropojë. Unë bëj 70 kilometra në ditë dhe planik është që për 40 ditë në total që nga nisja të mbërrij në tropojë.
Stafi që më shoqëron janë tre persona: një shofer për rulotin, i cili është edhe fizioterapist shqiptar, trajneri i vrapit është nga Qiproja, ndërsa Toni dhe Landi janë nga Shqipëria”, tregon ai.
Marrë na Euronews.al
