Me një konsum mesatar vjetor prej 9.2 litra alkool për frymë, evropianët janë konsumuesit më të mëdhenj në botë.
“Europa vazhdon të mbajë rekordin për nivelet më të larta të konsumit të alkoolit dhe dëmeve të lidhura me të në botë” ”, tha Dr Gauden Galea, një zyrtar i OBSH-së për Evropë.
“Në vendet e Bashkimit Evropian, për më shumë se dhjetë vjet nuk ka pasur ndryshime të rëndësishme në nivelet e konsumit të alkoolit ”, shton Organizata Botërore e Shëndetësisë.
Njerëzit në Amerikë janë në vendin e dytë sipas raportit të fundit të OBSH-së të publikuar në qershor për konsumin global të alkoolit, me 7.5 litra mesatarisht çdo vit.
Në mënyrë të detajuar, janë burrat ata që kanë kosumin më të lartë të alkoolit në Evropë. 14.9 litra në vit mesatarisht, ose katër herë më shumë se gratë (katër litra në vit). Një në dhjetë të rritur (11%) në Evropë vuan nga një çrregullim i përdorimit të alkoolit dhe pothuajse një në njëzet është i varur nga alkooli.
