Prindërit e fëmijëve të kopshtit publik në Gramsh të cilët u prekën nga salmonela, kanë dalë në protestë këtë të hënë, ku kërkojnë hetim për rastin.
“Përgjigjen e kam marrë dje pas disa sherreve në kopsht, nuk na jepnin përgjigje. E kishim për ta marrë që të shtunën. Thonin që nuk jepet kështu përgjigja. Nuk kemi parë asgjë nga ana e tyre. Përderisa është një sëmundje ngjitëse, mbase duhej një person mbase nga infektivi të na orientonte për masat që duhet të merren. Askush as nuk na ka pyetur se si është fëmija. Nuk ka ardhur njeri fare në shtëpi, s’më ka marrë njeri në telefon. I kam marr fëmijës vetëm një mjekim që i kam marrë me lekët e mia. Nuk ka përkushtim nga shteti, nuk është gjëkundi.
“Fëmija është më shumë se 72 orë në serum. Te fëmija im ka qenë rasti i pari. Pasi dolën analizat, e kemi trajtuar në shtëpi fëmijën. Fëmija kishte të vjella e diarre çdo 10 minuta. 72 orëshi ishte një tmerr. Kam binjakë dhe shyqyr që fëmija tjetër nuk u sëmur. Jemi të bindur se fëmijët janë helmuar në kopsht. Nusja thotë se kanë konsumuar supën e pulës, nga informacione jozyrtare. Kam frikë se mos përhapet sëmundja dhe fëmijën po e mbaj në banesë”-shprehet prindi tjetër.
Kam edhe një gocë e kemi çuar analizat presim përgjigjet. Goca nuk ka shfaqur simptoma. ne jemi të kujdesshëm. Në fillim nuk e dinim. Doktoresha më dha mjekim si virozë stine se nuk e dinim, pastaj të enjten e morëm vesh. Sot ne bëjmë 8 ditë qe jemi trembur dhe gjendje ankthi e shoku. Kërkojmë siguri për ushqimin që konsumojnë fëmijët”-thotë një prind tjetër.
