Adriatik Lalapj dhe Endri Shabani janë bërë bashkë dhe kanë dalë në mbështetje të Prokurorisë së Posaçme kundër Korrupsionit dhe Krimit të Organizuar.
Të shoqëruar nga qytetarë dhe mbështetësit e tyre, Lapaj dhe Shabani kanë pohuar para gazetarëve që janë mbledhur mesditën e kësaj të enjte para dyerve të SPAK për të duartrokitur punën e prokurorëve dhe për t’i treguar atyre që nuk janë vetëm në këtë “luftë”.
Shabani tha se prokurorët kanë mbrapa popullin shqiptar të cilët inkurajojnë për të vijuar me ndëshkimin e atyre që i kanë vjedhur dhe kanë shkelur ligjin.
“Nuk jeni kurrë vetëm, keni përballë hajdutë dhe kriminelë por ju keni mbrapa popullin shqiptar”, tha Shabani ndër të tjera, ndërkohë Lapaj vijoi duke i dhënë një duartrokitje të gjithë prokurorëve dhe gjykatësve të posaçëm.
“Unë besoj fort që nuk duhet të ketë protesta as pro as kundër, por çështja. Për këtë arsye jemi mbledhur këtu që ti japim kurajo çdo njeriu pëtë lgijit që nuk jen ivetëm dhe jemi këtu për ti dhënë një duartrokitje”, tha Lapaj.
“Ju lumtë dora. Punë të mbarë, Rrofshin trimat, Dado dhe Dumani”, këto janë dhe disa nga mesazhet që qytetarët kanë shkruar në një pankartë.
Ky manifestim ka ardhur pas një tjetër protestë të zhvilluar ditën e djeshme në dyer të SPAK. Ndryshe nga manifestimi i kësaj të enjte qytetarët po shprehin mbështetjen e tyre ndaj këtij organi të drejtësisë, mëngjesin dhe mbrëmjen e së mërkurës mbështetësit e Erion Veliajt protestuan në mbështetje të kryetarit të tyre duke kërkuar lirimin e tij.
Marrë nga Newsbomb.al
