Duke nisur nga ky 1 shtator, mijëra banorë të Tiranës, të cilët përdorin transportin publik, janë përballur me pritje më të gjata në stacione.
Kjo ka ndodhur për shkak, se operatorët e transportit publik kanë vendosur të reduktojnë flotën e autobusve urbanë, për shkak të shtrenjtimit të naftës.
Shoqata e transportit kishte parlajmëruar më herët për këtë reduktim të flotës së autobusve, pasi sipas tyre prej disa muajsh, janë rritur kostot, si pasojë e shtrenjtimit të naftës. Dorian Mema, kreu i shoqatës së transportit publik ka parashtruar dhe kërkesat ndaj institucioneve, me qëllim që të rikthehen në punë me kapacitet të plotë.
Për shkak të reduktimi të flotës së urbanëve, vonesat në stacione janë rritur me 20% të kohës, ndërsa situata pritet të përkeqësohet me nisjen e fillimit të vitit të ri shkollor, kur rritet edhe përdorimi i transportit publik apo trafiku në qytet.
Marrë nga Syri TV
