Operatorët e transportit të mallrave ngrenë shqetësimin se edhe ditën e sotme në portin e Durrësit kanë vijuar rradhët e gjata për shkak të mosfunksionimit me eficencë të shërbimit të përpunimit të kontejnerëve.
Sipas operatorëve, problemi kryesor lidhet me numrin e kufizuar të stakerëve (mjete për lëvizjen dhe sistemimin e kontejnerëve), të cilët nuk arrijnë të përballojnë volumin e lartë të punës.
Një prej përfaqësuesve të operatorëve detarë të kontaktuar u shpreh se situata është krijuar për shkak mungesës së mjeteve, stakerave që shërbejnë për ngarkim-shkarkimin e mallrave te kontejnerët.
Të tjerë drejtues të kompanive të transportit të mallrave pohuan se çdo ditë ka pasur 2 deri 3 anije në pritje për përpunim, ndërsa kapacitetet aktuale të mjeteve dhe pajisjeve kanë vështirësi për të përballuar fluksin. Në shumë raste sipas tyre, për shkak të fluksit të mallrave për përpunim mjetet dëmtohen dhe ndërpritet shërbimi deri në riparimin e tyre.
Por vonesat në operacionet portuale po sjellin kosto shtesë për operatorët, për shkak të pritjeve të anijeve, vonesave në dorëzimin e mallrave dhe rritjes së shpenzimeve logjistike.
Drejtuesi i kompanisë “Ballkan Trans Albania” Rodolf Xhillari thotë se kamionët që dërgohen për marrjen e mallrave nga kontejnerët, por mjetet kthehen mbrapsht bosh dhe detyrohen të ngarkohen të nesërmen.
“Por kjo po ngarkon me shtesë operatorët e transportit të mallrave. Ne duhet të paguajmë tarifa shtesë, por edhe na dëmton në marrëdhëniet kontraktuale me klientët porositës të mallrave për import apo eksport”, pohon ai.
Në atë periudhë në portin e Durrësit shërbimi ofrohej nga kompania koncesionare malteze, “Hili Company Limited”, e përfaqësuar në Shqipëri nga “Mariner Adriatic”.
Shërbimi iu dha për 5 vite kompanisë, pas zgjidhjes së njëanshme të kontratës koncesionare me kompaninë turke “Container Terminal Durrës”, çështje që në Arbitrazh u fitua nga shteti, duke shmangur faturën e dëmit prej 100 mln euro që u kërkua nga kompania.
Nga ana tjetër, Porti i Durrësit ka reaguar se situata lidhet me rritjen e ndjeshme të volumit të punës dhe me ndalimin e lëvizjes së mjeteve të tonazhit të rëndë në ditët e fundjavës, për shkak të sezonit turistik.
“Gjatë tre javëve të para të muajit qershor, në Terminalin e Kontejnerëve të Portit të Durrësit janë evaduar rreth 6 mijë kontejnerë, ose mesatarisht rreth 300 kontejnerë në ditë.
Fluksi më i lartë i kamionëve që konstatohet në fillim të javës lidhet me përqendrimin e tërheqjes së kontejnerëve pas kufizimeve sezonale të qarkullimit të mjeteve të rënda gjatë fundjavës, dhe jo me ndërprerje apo ngadalësim të operacioneve portuale”, theksohet në reagimin e APD.
Një situatë e ngjashme në port u krijua edhe në vitin 2023, kur për 1 muaj shumë anije mbetën në det për disa ditë rresht në pritje të shkarkimit të mallrave.
Në atë periudhë në portin e Durrësit shërbimi ofrohej nga kompania koncesionare malteze, “Hili Company Limited”, e përfaqësuar në Shqipëri nga “Mariner Adriatic”. Shërbimi iu dha për 5 vite kompanisë, pas zgjidhjes së njëanshme të kontratës koncesionare me kompaninë turke “Container Terminal Durrës”, çështje që në Arbitrazh u fitua nga shteti, duke shmangur faturën e dëmit prej 100 mln euro që u kërkua nga kompania.
Që prej vitit 2024, shërbimi i përpunimit të kontejnerëve në Portin e Durrësit administrohet drejtpërdrejt nga Autoriteti Portual i Durrësit.
Marrë nga Monitor
