Mali i Zi është afër një vendimi për futjen e orarit të punës shtatë-orësh, njoftoi sot kryeministri Milojko Spajiç.
“Pas një shqyrtimi të gjerë se si të gjejmë një model që do të kënaqte si sindikatat ashtu edhe punëdhënësit, mund të themi se jemi afër një zgjidhjeje në lidhje me futjen e orarit shtatëorësh të punës”, tha Spajiç.
Kryeministri malazez tha se në fillim të javës së ardhshme, Ministrja e Punës dhe Mirëqenies Sociale, Naida Nishiç, do të udhëheqë diskutimet në kuadër të dialogut social me përfaqësuesit e sindikatave dhe punëdhënësve, ku, siç theksoi ai, do të kristalizohet versioni përfundimtar i kësaj reforme , njoftoi zyra e tij.
Qeveria e Malit të Zi njoftoi më parë se, në përputhje me premtimet parazgjedhore, planifikon të prezantojë orarin e punës shtatë-orësh në sektorin privat dhe publik.
Marrë nga Reporteri.net
