Vetëm 4% e të moshuarve marrin pension dinjitoz

Eksperti i pensioneve Ramadan Kondi ka folur, në lidhje me skemën e re të pensioneve që po diskutohet.

Ai u shpreh se të moshuarit duhet të trajtohen me një pension më dinjitoz, ndërsa shtoi se për momentin vetëm 4 përqind e tyre marrin një pension që krijon një diferencë të madhe ekonomike dhe sociale me personat të cilët janë në marrëdhënie pune.

“Efektivisht me sa jemi në dijeni, po punohet për problemin e skemës së re apo studimit që po bëhet për një skemë të përshtatshme në fushën e pensioneve. Por se cilat do të jenë pikat kryesore, përmirësimet apo zgjerimi, ende ndodhemi pak në terr informativ.

Sa i përket bonuseve, është jo efektive dhe jo e mirë, fakti që bonusi ngelet në dorën e një personi,. Atij që drejton shtetin, nëse do ai e jep, nëse nuk do nuk e jep. Pensionisti nuk do të hajë mirë një ditë, duhet trajtuar mirë çdo ditë.