Mohamed Salah rinovon kontratën me Liverpoolin. Pas një telenovele të gjatë, tashmë lajmi është zyrtar dhe bëhet i ditur nga vetë klubi përmes një komunikate:
“Liverpool FC njofton se Mohamed Salah ka firmosur një kontratë të re që do ta mbajë në klub përtej sezonit 2024-25.
Sulmuesi, i cili po kalon një tjetër sezon të jashtëzakonshëm me ‘The Reds’, ka angazhuar të ardhmen e tij duke firmosur një marrëveshje të re. Deri më tani këtë sezon, Salah ka shënuar 32 gola në vetëm 45 ndeshje në të gjitha kompeticionet, 27 prej të cilëve në Premier League, duke e bërë atë lojtarin më të mirë të kampionatit anglez. Këtyre golave u shtohen edhe 22 asistime për shokët e skuadrës.
Lajmi do të thotë se Salah do të zgjasë qëndrimin e tij tetëvjeçar në Anfield edhe në të ardhmen dhe do të vazhdojë ta ndihmojë skuadrën e Arne Slot të luftojë për trofetë më të mëdhenj në botën e futbollit.”
Salah ka dhënë gjithashtu disa deklarata për zgjatjen e kontratës:
“Sigurisht që jam shumë i emocionuar. Tani kemi një skuadër të madhe. Edhe më parë kishim një skuadër të fortë, por kam firmosur sepse mendoj se tani kemi mundësi të fitojmë trofe të tjerë dhe të shijojmë futbollin tonë.”
