Mbrëmjen e kësaj të marte do të përcaktohen katër ekipet e para çerekfinaliste të Champions League, pasi nisin ndeshjen e kthimit të fazës së 1/8-ave.
Emocionet e kompeticionit më të rëndësishëm për klube nisin në orën 18:45 me ndeshjen Barcelona – Benfica. Në “Da Luz”, ekipi ‘blaugrana’ ishte me shumë fat dhe fitoi falë një goli të Raphinhas, por në ndeshjen e kthimit Barcelona është e ngarkuar psikologjikisht nga vdekja e papritur e mjekut të skuadrës.
Në orën 21:00 luhen tri ndeshjet e tjera, ku vëmendjen kryesore e merr Liverpool – PSG. Në ndeshjen e parë, pavarësisht dominimit absolut në lojë të parizienëve, miqtë nga Anglia fituan me një goditje në portë nga Elliott në fundin e sfidës. Përtej faktorit fushë, që favorizon ‘The Reds’, gjithçka mbetet e hapur.
