Klubi londinez i Chelsea-t përballet me 74 akuza që lidhen kryesisht me pagesat e menaxherëve të lojtarëve në periudhën 2009-2022, ndërsa fokusi është në sezonet 2010-2011 deri 2015-2016, gjatë kohës së pronësisë së Roman Abramovich.
FA i referohet shkeljeve të disa neneve që lidhen me pagesat, marrëdhëniet me ndërmjetësit dhe investimet e palëve të treta te lojtarët. Chelsea ka afat deri më 19 shtator për të dhënë përgjigjen e saj ndaj këtyre akuzave.
Nëse gjendet fajtore, skuadra e drejtuar nga Enzo Maresca rrezikon masa disiplinore, përfshirë edhe heqje pikësh. Mediat angleze e cilësojnë si një nga hetimet më të mëdha në futbollin anglez.
Marrë nga Dosja.al
