Janë luajtur dje dy nga çerekfinalet e vlefshme për FA Cup, ku janë përcaktuar dhe dy ekipet e para gjysmëfinaliste.
Në “Craven Cottage” në Londër, Fulham u mund 0-3 në shtëpi nga Crystal Palace.
Miqtë shënuan dy gola brenda 4 minutave në pjesën e parë, fillimisht me Eberechi Eze në 34’ dhe në 38’ me Ismaila Sarr. Goli i tretë u shënua në minutën e 75-të me Eddie Nketiah.
Në sfidën tjetër, mes Brighton dhe Nottingham Forest, ndryshe nga e para, munguan golat.
Koha e rregullt dhe shtesa prej 30 minutash u mbyllën në barazim të bardhë.
Kualifikimin për në gjysmëfinale e vendosën penalltitë, aty ku miqtë e Nottingham Forest u treguan më të saktë.
Nesër do të përcaktohen dhe dy gjysmëfinalistet e tjera. Preston-Aston Villa dhe Borunemouth-Manchester City, janë dy çiftet e fundit.
