RB Leipzigu është skuadra e parë që është eliminuar nga Liga e Kampionëve sivjet.
Skuadra gjermane pësoi humbje 3:2 në shtëpi nga Aston Villa të martën mbrëma, duke i dhënë fund shpresave për të siguruar një vend në fazën tjetër.
Pas gjashtë ndeshjeve, Leipzigu ka po aq humbje.
Kur i kanë mbetur edhe dy ndeshje deri në fund, skuadra që drejtohet nga Marco Rose nuk ka gjasa matematikore për kalim tutje.
Vendi i 24-t që të dërgon në fazën 1/16 mbahet nga PSG-ja që ka shtatë pikë. Kjo do të thotë se edhe nëse Leipzigu fiton ndaj Sportingut dhe Sturm Grazit, kalimi tutje është i pamundur.
