Ervin Resuli, president i Urdhrit Veterinar, foli mëngjesin e sotëm në lidhje me sigurinë e produkteve ushqimore në një kohë kur blerjet e konsumatorëve rriten me ardhjen e festave të fundvitit.
Ai u shpreh në një intervistë televizive, se siguria ushqimore në vend është në nivele të mira, por se gjithmonë ka vend për përmirësim, ndërsa shtoi se konsumatori shqiptar është i varfër dhe orientohet drejt produkteve të lira, që ndodh të ketë edhe kosto në pjesën e sigurisë ushqimore.
“Shqipëria ka një nivel sigurie sa i përket produkteve ushqimore që konsumojmë, ka nevojë për përmirësim. Këshillohet që ashtu siç shkojmë në dyqan për të blerë rroba dhe shohim masat apo markën, njëjtë duhet të shohim edhe produktet ushqimore.
Konsumatori të drejtohet drejt produkteve që ka të dhëna mbi prodhuesin.
Çmimi i qumështit në vend është aktualisht më i shtrenjtë në rajon dhe në Europë.
Kemi blegtorë të pambështetur, mekanizmat që rregullojnë tregun, pra subvencionet nuk merren. Blegtorët sot marrin lëmoshë, janë skema që nuk kanë feedback në uljen e kostove”, u shpreh ai.
