Real Madridi me shumë mund ka kaluar në finale të Kupës së Spanjës.
Ndeshjen e parë në udhëtim Reali e kishte fituar 1:0. Por, Real Sociedadi arriti të bënte rikthimin. Pas 90 minutave ndeshja e kthimit në “Santiago Bernabeu” ishte 3:2 në favor të Sociedadi. Kështu që fituesi u përcaktua pas lojës shtesë. Anthony Rudiger (115’) realizoi golin e kualifikimit për Real Madridin.
Golat tjerë për Realin i shënuan Endrick (30’), Jude Bellingham (82’) e Auriel Tchouameni (86’). Për Sociedadin shënuan Ander Barrenetxea (18’), David Alaba (72’ autogol), Mikel Oyarzabal (80’, 90+3’).
Reali në finale e pret fituesin e duelit mes Atletico Madridit e Barcelonës. Ndeshja e parë në Barcelonë përfundoi 4:4.
