Ajo që paralajmërohej ka ndodhur. Pak minuta më parë trajneri Bledi Shkëmbi është paraqitur në kompleksin stërvitor të bardhebluve dhe vetëm pas pak sekondash është larguar në shoqërinë e ndihmësit të tij, Sabien Lilaj.
Pritet gjithashtu që presidenti Halili të bëjë një mbledhje me skuadrën, për të sqaruar situatën. Shkak për këtë shkarkim të Shkëmbit janë bërë rezultatet e dobëta të skuadrës, të arritura në 12 javët e para të kampionatit.
Trajneri korçar thuhet se ka patur një mbledhje me drejtuesit e klubit, ku u vendos ndërprerjea e kontratës, e cila ishte e vlefshme për dy vite. Mësohet se bashkë me Shkëmbin, është larguar edhe ndihmësi i tij Sabien Lilaj.
Skuadra kryeqytetase do të drejtohet nga zëvendëstrajneri i dytë, Endri Ohri, deri sa të zgjidhet trajneri i ri. Pas 12 javëve kampionat, Tirana renditet në vendin e shtatë me 11 pikë të grumbulluara.
