Chelsea ka siguruar një vend në gjysmëfinalen e Kupës së Botës për Klube të FIFA-s pas një fitoreje ndaj klubit brazilian Palmeiras, megjithëse vëmendjen e mori talenti Estevao Willian, i cili shënoi kundër skuadrës ku do të transferohet së shpejti.
Cole Palmer zhbllokoi ndeshjen në minutën e 16-të, ndërsa Estevao barazoi rezultatin në fillim të pjesës së dytë me një gol të shkëlqyer nga një kënd i vështirë në minutën e 53-të. Megjithatë, fitorja e Chelsea-t u vulos kur një kros i Malo Gusto u devijua në rrjetë nga mbrojtësi Giay Agustin dhe portieri Weverton, duke i dhënë anglezëve avantazhin përfundimtar.
18-vjeçari Estevao, që konsiderohet si një nga talentet më premtuese të Brazilit, tashmë është në pritje të finalizimit të transferimit të tij në Chelsea – një marrëveshje që mund të arrijë vlerën e 52 milionë paundëve.
Në anën tjetër, blutë debutuan me përforcimin më të fundit, Joao Pedro, i cili u transferua nga Brighton për 55 milionë paund. Ai dha një paraqitje të mirë, megjithëse nuk arriti të shënojë. Ndërkohë, Liam Delap dhe Levi Colëill morën kartonë të verdhë dhe do të mungojnë në gjysmëfinale për shkak pezullimi, ndërsa kapiteni Reece James pësoi një dëmtim gjatë nxehjes para ndeshjes.
Chelsea do të kërkojë një vend në finale kur të përballet me Fluminense në stadiumin MetLife në New Jersey.
Marrë nga Top Channel
