Bayerni kualifikohet në frymën e fundit në fazën e 1/8-ave të Championsit, duke barazuar 1-1 me Cetlic në Mynih, ku deri në minutën e katër shtesë po humbiste 0-1. Davies, atëherë ku Bayerni po lunte shanset e fundit për të barazuar e dërgoi topin në rrjetë, duke shmangur shtesën.
Atalanta zhgënjen në ndeshjen e kthimit me Club Brugge në play off-in e Chmpionsit. Skuadra bergamaske, e cila ishte mposhtur në takimin e parë në transfertë 2-1, u mposht thellë 3-1 në shtëpi, duke i pësuar të gjithë golat në pjesë e parë. Lookman shkurtoi diferëncën në 1-3 në fillim të pjesës së dytë, por më pas humbi një 11-metërsh. Ndëshkimi i Toloit me karton të kuq vulosi eliminimin e Atalantës.
Edhe Milani nuk shkon më larg se 1-1 ndaj Feyenoordit, nuk arrin të përmbysë humbjen 1-0 të ndeshjes së parë dhe eliminohet. Në ‘San Siro’, ku kuqezinjtë shënuan që në minutën e parë me Gimenez, kartoni i kuq për Theo Hernandez-in në minutën e 51-të ndryshon plotësisht lojën.
Ekipi i Conceição, që mbeti me 10 lojtarë, pësoi golin e barazimit nga Carranza në minutën e 73-të. Në çerekfinale kalojnë holandezët, që do të përballen me Interin ose Arsenalin.
Kualifikohet në fazën e 1/8-ave edhe Benfica, falë një barazimi spektakolar 3-3 me Monaco-n. Portugezët e kishin fituar 0-1 ndeshjen e pare..
