Barcelona shkatërroi Realin e Madridit, me shifrat 4-0, në “El Clasico”-n e parë të sezonit
Pas pjesës së parë me rrjeta të paprekura, në të dytën shpërtheu goleada e katalanasve. Robert Lewandowski zhbllokoi sfidën në minutën e 54-t, duke bërë që pllakosë heshtja në “Bernabeu”.
Polaku gjeti edhe golin e dytë, 2 minuta më vonë, pas një asisti të marrë nga Balde.
Në minutën e 77-të, Yamal shënoi edhe të tretin për Barçën, duke i dhënë goditjen e radhës madrilenëve.
Ndërsa, në minutën e 84-t, Raphinha shënoi edhe të katërtin.
Me këtë fitore, Barcelona shkëputet në krye me 30 pikë, ndërsa Reali mbetet i dyti me 24 pikë.
