Gjatë festave të fundvitit, reperi Post Malone befasoi një kamariere në Houston duke i lënë një bakshish prej 19 mijë eurosh. Renee Brown, një nënë e vetme, e përshkroi këtë moment si një “mrekulli për Krishtlindje” dhe tha se paratë do ta ndihmonin të paguante qiranë dhe të investonte në një biznes për të kaluar më shumë kohë me vajzën e saj.
Pas një mbrëmjeje me mikun e tij Shaboozey në barin “The Railyard,” gjesti i Malone u kthye në një burim frymëzimi për fansat. Ky akt bujarie preku zemrat e shumë njerëzve, të cilët vlerësuan këngëtarin për ndihmën ndaj një personi në nevojë.
“Duke shkuar në punë në prag të Krishtlindjes isha aq e trishtuar sa duhej të lija vajzën për të shkuar në punë. E paditur që Zoti do të më dërgonte një mrekulli për Krishtlindje. Ky është personazhi i famshëm më modest që kam pasur kënaqësinë të takohem. Ai ndryshoi jetën time në prag të Krishtlindjeve dhe unë do të jem përgjithmonë mirënjohës. Faleminderit shumë Austin,shkroi Renee Brown, 36 vjeç, në Instagram.
Marrë nga Vizionplus.tv
