Komuniteti maqedonas në Shqipëri ka kërkuar krijimin e dy bashkive të reja në vend, përkatësisht atë të Gollobordës dhe Gorës.
Sipas tyre ndarja territoriale e vitit 2014 i ka lënë pa zhvillim zonat dhe i ka bashkuar padrejtësisht me bashki të mëdha si Bulqiza, apo Librazhdi dhe Kukësi, duke mos përfaqësuar interesat e minoritetit.
Përmes një komunikate për shtyp, Shoqata Maqedonase “Ilinden”, ka kërkuar krijimin e komunave Gollobordë dhe Gorë në vend.
“Dhjetë vjet pas ndarjes territoriale të bërë në vitin 2014 në rajonet Golo Brdo dhe Gora ku jeton pakica kombëtare maqedonase kanë mbetur ende të pazhvilluara.
Në vitin 2014 bashkitë Trebishte, Ostren dhe Steblevë në rajonin Golo Brdo u shfuqizuan për t’iu bashkuar bashkive Bulqizë dhe Librazd, ndërsa bashkitë Shistec dhe Zapot në rajonin e Gorës iu aneksuan Bashkisë së Kuksit.
Pakica kombëtare maqedonase në rajonin Golo Brdo dhe Gora beson se heqja e bashkive është një hap prapa në respekt të pakicave në Republikën e Shqipërisë.
Shoqëria maqedonase “Ilinden” – Tiranë kërkon nga Qeveria të propozojë ndryshime në Ligjin për Vetëqeverisjen Vendore për krijimin e dy bashkive të reja:
Komuna e Golo Brdo
Bashkia e Gorës
Shoqëria maqedonase “Ilinden”-Tiranë beson se ky proces demokratik do të rrisë besimin e qytetarëve në sistem dhe do të mundësojë zgjidhje më efektive të problemeve në rajonet Golo Brdo dhe Gora. Shoqëria maqedonase “Ilinden”-Tiranë!
Presidenti Nikolla Gjurdjai
Koordinatori i Shoqërisë Maqedonase “Ilinden”-Tiranë për zonën Golo Brdo Fatri Fetahu”, përfundon njoftimi.
Marrë nga Shqiptarja.com
