Mediat pro Vuçiçit në Serbi raportojnë se kryeministri serb Millosh Vuçeviç pritet të japë dorëheqje sot.
Siç raportohet, Vuçeviç do ta njoftojë dorëheqjen në një konferencë për media që pritet ta mbajë në ora 11:00.
Në Serbi janë duke vazhduar protestat e studentëve.
Presidenti serb, Aleksandar Vuçiç, ka pretenduar dje se janë plotësuar të gjitha kërkesat e studentëve, nisur nga publikimi i gjithë dokumentacionit rreth rindërtimit të stacionit hekurudhor në Novi Sad, e deri te falja e aktivistëve të arrestuar gjatë protestave.
Protestat kanë nisur pas shembjes së një cope të madhe betoni në stacionin hekurudhor të Novi Sadit më 1 nëntor, duke lënë të vrarë 15 persona dhe duke plagosur rëndë dy të tjerë.
Marrë nga Reporteri.net
