Në 14 shkurt, një gjykatë në SHBA ka miratuar kërkesën e fondit australian të financimit të mosmarrëveshjeve Omni Bridgeway për të konfirmuar vendimin e arbitrazhit të ICC me një vlerë afro 12.9 milionë dollarë kundër Shqipërisë dhe kompanisë shtetërore të naftës.
Vendimi u bë i njohur nga gjyqtari Loren L.Alikhan pikërisht ditën e të dashuruarve, duke nxjerrë në pah një tjetër rast të arbitrazhit.
Bëhet fjalë për një kompani GBC Oil, e regjistruar në ishujt Kayman me pronarët Kreshnik Grezda, Naim Kasa dhe Mark Craëford që autorizuan kompaninë Omni Bridgeëay për të ekzekutuar vendimin ndaj ministrisë së Ekonomisë në Shqipëri.
Si nisi historia
Kompania Stream oil and gas fitoi në 2007 të drejtën e shfrytëzimit të tre vendburimeve të naftës në Gorisht, Cakran, Ballsh-Hekal. Stream Oil ishte gjithashtu e regjistruar në ishujt Kayman dhe pas saj qëndronte Arian Tartari, një biznesmen afër ish-qeverisë së PD. Në 2008 qeveria vendosi të rrisë me 10 % rentën minerare që duhet të paguanin kompanitë e naftës. Stream Oil pretendoi kompensim por që nuk u ra dakord nga qeveria.
Në vitin 2014, kur ndryshoi qeveria, Stream Oil u shit tek biznesmeni amerikan Mitchell Malone që kishte kompaninë TransAtlantic Petrolium. Ky i fundit u gjend përballë borxheve të mëdha ndaj shtetit dhe furnitorëve të tjerë ndaj pas dy vitesh vendosi ta shesë kompaninë te GBC Oil e Kreshnik Grezës, Naim Kasës dhe Mark Craëford që kishte negociuar dhe marrëveshjen.
Në vitin 2017, Albetrol rishtetëzoi burimet e naftës që i kishte në pronësi GBC Oil me argumentin se nuk ishin përmbushur detyrimet e marrëveshjes koncesionare dhe për shkak të borxheve të papaguara në shtet.
Kompania u detyrua te shkojë në Gjykatën Ndërkombëtare të Arbitrazhit në Zyrih ku kërkuan 110 milionë dollarë kompensim. Në vitin 2020 gjykata hodhi poshtë pretendimet e shumta të Gbc oil por e gjobiti Shqipërinë me 12,7 milionë dollarë si kompensim për të neutralizuar rritjen e taksave pas marrëveshjes koncesionare. Dhe për të zbatuar këtë vendim, kompania kontraktoi një tjetër kompani, australianen Omni Bridgeëay që hapi edhe procesin në gjykatën e Uashingtonit ku kërkon ekzekutimin e vendimit të gjykatës ndërkombëtare.
E në këtë mënyrë, gjykata në SHBA ka marrë përsipër të shqyrtojë këtë çështje për të vendosur se çdo të ndodhë me këtë gjobë.
Marrë nga Newsbomb.al
