Shërbimi Inteligjent i Koresë së Jugut ka njoftuar se Koreja e Veriut ka dërguar trupa shtesë për t’i dalë në ndihmë Rusisë, pas humbjeve të rënda që thuhet se kishte pësuar në vijat e frontit në Ukrainë.
Trupat verikoreane janë shumë të disiplinuar dhe të mirëtrajnuar, por vrojtuesit kanë bërë me dije se ata janë kthyer në shënjestër të lehtë për dronët dhe artilerinë e Ukrainës, për arsye të mungesës së përvojës në fushëbetejë dhe terrenit të panjohur.
Ushtarët verikoreanë ishin dërguar për të luftuar në Ukrainë, pas marrëveshjes ushtarake të nënshkruar nga presidenti rus Vladimir Putin dhe lideri verikorean Kim Jong Un në qershorin e vitit të kaluar.
Marrë nga Associated Press
