Delina Fico drejtoresha e Programeve të Shoqërisë Civile, ka reaguar në lidhej me deklaratën e fortë që gazetari investigativ i “The Daily Signal”, Tyler O’Neil bëri në Kongresin Amerikan.
O’Neil deklaroi se edhe në Shqipëri është abuzuar me fondet e taksapaguesve amerikanë nga organizata USAID, e cila në bashkëpunim me organizatën e Sorosit kanë ndikuar në reformën në drejtësi në Shqipëri.
Gjithashtu se janë përdorur për ndjekjen e kryetarit të opozitës, Sali Berisha vetëm për t’i mbyllur gojën.
Fico në reagimin e saj shprehet se nuk është hera e parë që Berisha bën akuza pa fakte, por kjo gjë nuk mund të tolerohet nga gazetarët pasi sipas saj me një kërkim të thjeshtë duke lexuar raportet mbi aktivitetin e fondet e EWMI në Shqipëri, raporte të cilat janë publike do shikonin që këto pretendime nuk janë të vërteta.
Reagimi i plotë:
“Prej vitesh Sali Berisha pretendon se East-Ëest Management Institute (EËMI) ka luajtur rol në reformën në drejtësi në Shqipëri, financuar edhe nga fondacioni Soros.
Fatkeqësisht, ky pretendim i rremë i tij u referua dje edhe në një dëgjesë në Kongresin e SHBA. E di çfarë është më e trishtuar? Në të gjitha këto vite që Sali Berisha e përsërit këtë gënjeshtër, asnjë gazetar ose media nuk ka bërë detyrën e tyre bazë: të pyesë EWMI, USAID, apo dhe fondacionin Soros për këtë pretendim, si dhe të kërkojë prova për ta vërtetuar atë, si, p.sh., duke lexuar raportet mbi aktivitetin e fondet e EWMI në Shqipëri, raporte, të cilat janë publike.
Po të kishin bërë thjesht detyrën e tyre si gazetarë, para se të përhapnin më tej gënjeshtrën e Sali Berishës, këta gazetarë e këto media do të kishin konstatuar se:
Eëmi nuk ka marrë asnjë financim nga fondacioni Soros për programet në Shqipëri; (2) Ewmi dhe programet që Ewmi ka zbatuar në Shqipëri, të financuara nga usaid dhe departamenti i shtetit të SHBA, nuk kanë luajtur asnjë rol në reformën në drejtësi në Shqipëri.”
Marrë nga Newsbomb.al
