Microsoft njoftoi se do të mbyllë Skype pas një periudhe 21-vjeçare, duke i dhënë fund një prej platformave më të njohura për komunikimin me mesazhi dhe mbi të gjitha me video. Kompania e teknologjisë, që bleu Skype në vitin 2011, njoftoi se përdoruesit nuk do të kenë më qasje në llogaritë e tyre pas 5 majit 2025 dhe u bëri thirrje të kalojnë në aplikacionin Teams sa më shpejt të jetë e mundur.
Skype kishte 1.95 miliardë llogari të regjistruara, por numri i përdoruesve aktivë ka rënë ndjeshëm në vitet e fundit. Sipas Microsoft, në vitin 2024, Skype kishte 27.8 milionë përdorues aktivë, një rënie nga 40 milionë në vitin 2020. Teams, platforma e cila është publikuar në vitin 2017, është tashmë një konkurrent kryesor për Skype, veçanërisht gjatë pandemisë COVID-19, kur aplikacione si Zoom dhe Teams fituan popullaritet të madh.
Microsoft ka theksuar se Teams do të plotësojë nevojat e përdoruesve të Skype për thirrje, mesazhe dhe shpërndarje dokumentesh, duke ofruar funksionalitete të ngjashme me ato të Skype. Përdoruesit mund të kalojnë në Teams duke përdorur llogaritë e Skype dhe mund të eksportojnë të dhënat e Skype deri më 5 maj.
Skype ka pasur një ndikim të madh gjatë dekadës së parë, duke i mundësuar përdoruesve të flisnin falas pa paguar për kompani telefonike. Por, me kalimin e kohës dhe rritjen e përdorimit të pajisjeve mobile, platforma ka humbur terren, duke lënë vend për aplikacione më të reja si Teams dhe Zoom.
Marrë nga Gazetadita.al
