Një gjykatës federal në Missouri ka shpallur qeverinë kineze përgjegjëse për fshehjen e informacionit në lidhje me fillimin e pandemisë së COVID-19 dhe për veprimet që penguan furnizimin global me pajisje mbrojtëse, duke miratuar një vendim gjyqësor me vlerë mbi 24 miliardë dollarë.
Ky vendim është një rezultat i padisë së ngritur nga zyra e prokurorit të përgjithshëm të Missourit në prill të vitit 2020, ku akuzohej Kina se kishte mbajtur të fshehura rreziqet dhe përhapjen e virusit dhe se kishte ndërprerë furnizimin me pajisje mbrojtëse për vendet e tjera të botës.
Gjykatësi Stephen N. Limbaugh Jr. është shprehur se veprimet e Kinës kanë penguar reagimin e hershëm të Shteteve të Bashkuara ndaj pandemisë dhe kishin bërë të pamundur sigurimin e pajisjeve të mjaftueshme për mjekët që luftonin kundër virusit. Ai gjithashtu thekson se Kina kishte ndërmarrë hapa për të shtetëzuar fabrikat amerikane në territorin kinez, duke kufizuar eksportin dhe rritur çmimet për vendet si Missouri.
Pavarësisht vendimit të gjykatës, zyrtarët kinezë kanë reaguar duke mohuar akuzat dhe duke refuzuar të pranojnë këtë vendim. Në këtë pikë, nuk është e qartë se si dhe kur autoritetet e Missouri-t do të veprojnë për të sekuestruar asetet kineze, përfshirë pasuritë dhe tokat e mundshme.
Marrë nga Newsbomb.al
